УП «Дыпмаркет» зарэгістравана рашэннем Мінскага гарадскога выканаўчага камітэта ад 22 чэрвеня 2000 года №709 у Адзіным дзяржаўным рэгістры юрыдычных асоб і індывідуальных прадпрымальнікаў за № 101195832. Заснавальнікам арганізацыі з'яўляецца дзяржаўная ўстанова «Галоўнае ўпраўленне па абслугоўванні дыпламатычнага корпуса і афіцыйных дэлегацый «Дыпсэрвіс».

УП «Дыпмаркет» ажыццяўляе сваю дзейнасць у адпаведнасці з Указам Прэзідэнта Рэспублікі Беларусь ад 22 красавіка 2014 года № 175 «Аб функцыянаванні магазінаў бяспошліннага гандлю».

Асноўнымі відамі дзейнасці УП «Дыпмаркет» з'яўляюцца:

• арганізацыя і функцыянаванне магазінаў бяспошліннага гандлю, размешчаных на мытнай тэрыторыі Рэспублікі Беларусь і на тэрыторыі пунктаў пропуску праз дзяржаўную мяжу Рэспублікі Беларусь, што знаходзяцца ў аэрапортах, адкрытых для міжнародных зносінаў і рэалізуюць тавары фізічным асобам, якія выязджаюць з тэрыторыі Рэспублікі Беларусь;

• рознічны продаж у рэжыме крамы бяспошліннага гандлю замежным дыпламатычным прадстаўніцтвам, прыраўнаваным да іх прадстаўніцтвам і органам міжнародных арганізацый і міждзяржаўных утварэнняў, консульскіх устаноў замежных дзяржаў, а таксама дыпламатычным агентам, консульскім службовым асобам і членам іх сем'яў, якія пражываюць разам з імі.

УП «Дыпмаркет» з'яўляецца заснавальнікам кампаній - аператараў бяспошліннага гандлю ТАА «Беламаркет Хелена Валеры» і СТАА«БЕЛАМАРКЕТ д'юці фры», якія ажыццяўляюць дзейнасць па арганізацыі бяспошліннага гандлю ў аўтадарожных пунктах пропуску праз дзяржаўную мяжу Рэспублікі Беларусь.

Асартыментная палітыка ў крамах «Дыпмаркет»прадстаўлена наступнымі групамі тавараў: алкагольныя і безалкагольныя напоі, тытунёвыя вырабы, кандытарскія вырабы, парфумерна-касметычныя і галантарэйныя тавары, сувеніры, аксэсуары. У крамах прадпрыемства рэалізуюцца наручныя гадзіннікі класа прэміўм такіх гандлёвых марак, як: Boss, Maurice Lacroix, Tommy Hilfiger, Aviator, Guess, Jacques Lemans, Diesel, Lambretta, Festina і іншыя, сонцаахоўныя акуляры марак Boss, Burberry, Bvlgary, Carrera, Dolce D&G, S.Ferragamo, Prada, Ray Ban, Versace, аксэсуары сусветна вядомых марак Samsonite і Lacoste, парфумерна-касметычныя тавары Lancôme, Kenzo, Gucci, Dior, Dolce D&G, Bvlgari, Versace, Biotherm і іншыя.