20 студзеня 2022 г. Рэспубліка Беларусь і Кітайская Народная Рэспубліка адзначаюць важную дату ў гісторыі двухбаковага супрацоўніцтва – 30-годдзе ўстанаўлення дыпламатычных адносін.
Прэзідэнт Рэспублікі Беларусь Аляксандр Лукашэнка ад імя народа Рэспублікі Беларусь і сябе асабіста павіншаваў Старшыню Кітайскай Народнай Рэспублікі
Сі Цзіньпіна з 30-годдзем устанаўлення дыпламатычных адносін паміж Рэспублікай Беларусь і Кітайскай Народнай Рэспублікай.
"За невялікі па гістарычных мерках перыяд часу мы прайшлі шлях ад двухбаковага ўзаемадзеяння да давернага ўсебаковага стратэгічнага партнёрства
і ўзаемавыгаднага супрацоўніцтва. Планамерна выходзім на новы этап "жалезнага братэрства" і "ўсепагоднага партнёрства", - гаворыцца ў віншаванні. - У гэтых словах закладзеныя нашы поспехі і дасягненні ў палітыцы, эканоміцы, гуманітарнай
і ваенна-тэхнічнай галінах, сферы бяспекі".
"Сёння мы з удзячнасцю ўспамінаем усіх тых, хто на розных этапах уносіў уклад у развіццё адносін паміж Беларуссю і Кітаем, напаўняў іх практычным зместам на карысць народаў дзвюх краін. Перакананы, што закладзены намі падмурак стане моцнай асновай для будучых пакаленняў беларусаў і кітайцаў, якія, як і мы, будуць шчыра сябраваць і падтрымліваць адзін аднаго ва ўсе часы", - гаворыцца ў віншаванні.
Дыпсэрвіс дзякуе Пасольству Кітайскай Народнай Рэспублікі за праводзімую работу ў Рэспубліцы Беларусь. На працягу ўсяго перыяду сумеснай дзейнасці дыппрадстаўніцтва выступала добрасумленным арандатарам, а Дыпсэрвіс у сваю чаргу быў і застаецца надзейным партнёрам па ўсіх пытаннях, што тычацца знаходжання дыпмісіі ў Рэспубліцы Беларусь.
