У рамках "Тыдня турэцкай кухні" 24 мая 2022 г. жонка пасла Турэцкай Рэспублікі ў Рэспубліцы Беларусь, прэзідэнт Мінскага міжнароднага жаночага клуба жонак паслоў, дыпламатаў і замежных прадстаўнікоў г-жа Эльвіра Азджан арганізавала майстар-клас па прыгатаванні страў для жонак Кіраўнікоў Дыпламатычных Місій і Прадстаўніцтваў міжнародных арганізацый, акрэдытаваных у Рэспубліцы Беларусь.
"Тыдзень турэцкай кухні", якi праводзіцца ўпершыню ў гэтым годзе па ўсім свеце з 21 па 27 мая, нацэлены на папулярызацыю багацця турэцкай кухні сярод сусветнай аўдыторыі. Падчас "Тыдня турэцкай кухні" у розных краінах прайшлі мерапрыемствы i майстар класы па падрыхтоўцы страў, рэцэпты якіх сабраны ў кнізе «Турэцкая кухня з вечнымі рэцэптамі» (Asırlık Tariflerle Türk Mutfağı) - гастранамічнай кнізе, выдадзенай пад кіраўніцтвам першай лэдзі Эмінэ Эрдаган і пад эгідай Прэзідэнта Турэцкай Рэспублікі ў супрацоўніцтве з турэцкім агенцтвам па развіцці турызму (TGA) пры падтрымцы Міністэрства культуры і турызму. Некаторыя рэцэпты і відэа з Кнігі "Турэцкая кухня з вечнымі рэцэптамі" вы можаце знайсці на вэб-сайце «turkishcuisineweek.com».
